हॅलो बॉलिवूड ऑनलाईन। ‘कलर्स मराठी’ वाहिनीवरील अल्पावधीत लोकप्रिय झालेली मालिका ‘रमा राघव’ सध्या चांगल्या ट्रॅकवर सुरु आहे. मालिकेला प्रेक्षकांचे चांगले प्रेम मिळत आहे. असे असताना मालिकेतील एका प्रसिद्ध अभिनेत्रीने अचानक एक्झिट घेतली आहे. हि अभिनेत्री कोण आहे..? आणि तिने अशी अचानक एक्झिट का घेतली..? याविषयी तिने स्वतःहून सोशल मीडियावर एक व्हिडीओ शेअर करत माहिती दिली आहे.
‘कलर्स मराठी’ वाहिनीवरील ‘रमा राघव’ या मालिकेत ‘पूजा’ हे पात्र साकारणारी अभिनेत्री अर्चना निपाणकरने नुकताच प्रेक्षकांचा निरोप घेतल्याचे समोर आले आहे. मालिकेला चांगला प्रतिसाद मिळत असताना तिने अचानक अशी मालिका का सोडली याबद्दल स्वतःच माहिती देताना एक पोस्ट शेअर केली आहे. या व्हिडिओत अर्चना म्हणाली कि, ‘आतापर्यंत तुम्ही मला ‘’रमा राघव’’ मालिकेत पूजाची भूमिका साकारताना पाहत होता. तुम्ही सगळ्यांनीच या भूमिकेवर प्रेम केलं. माझ्या कामाच खूप कौतुक केलं. त्याबद्दल मी तुमचे मनापासून आभार मानते. पण दुर्दैवाने माझ्या काही वैयक्तिक कारणांमुळे मला ही मालिका सोडावी लागतं आहे. अर्थात या सगळ्यात कलर्स मराठीची टीम, माझं प्रोडक्शन क्रिएटीव्ह ट्रान्समीडिया आणि माझ्या मालिकेची संपूर्ण टीम या सगळ्यांनी मला खूप सहकार्य केलं. तसेच खूप मदत केल्यामुळे अर्थात हे सगळं शक्य झालंय’.
‘पण आनंदाची बातमी अशी आहे की, पूजाची भूमिका आता अत्यंत गुणी आणि छान अभिनेत्री श्वेता अंबिकर साकारणार आहे. माझी तुम्हा सगळ्यांना विनंती आहे की, जसं तुम्ही माझ्यावर प्रेम केलं, पूजावर प्रेम केलं, तसंच तुम्ही नवीन पूजावर म्हणजे श्वेता अंबिकरवर सुद्धा प्रेम कराल आणि तिला आपलंस करून घ्याल, असा माझा विश्वास आहे. आतापर्यंत तुम्ही मला दिलेल्या प्रेमाबद्दल, माझं जे इतके दिवस तुम्ही कौतुक केलं त्या सगळ्याबद्दल मी पुन्हा एकदा तुम्हा सगळ्यांचे खूप खूप आभार मानते. खूप खूप धन्यवाद’. आता या मालिकेत ‘पूजा’ हे पात्र अभिनेत्री श्वेता अंबिकर साकारताना दिसणार आहे. मात्र अर्चनाच्या एक्झिटमूळे प्रेक्षक नाराज झाले आहेत.