हॅलो बॉलिवूड ऑनलाईन। स्टार प्रवाह वाहिनीवरील लोकप्रिय मालिका ‘आई कुठे काय करते’मध्ये संजना हे पात्र साकारणारी अभिनेत्री रुपाली भोसले सोशल मीडियावर प्रचंड चर्चेत असते. अनेकदा विविध पोस्ट शेअर करत ती पर्सनल आणि प्रोफेशनल आयुष्याबाबाबत व्यक्त होताना दिसते. नुकताच २९ डिसेंबरला अभिनेत्री रुपाली भोसलेचा वाढदिवस झाला आणि यानिमित्त सोशल मीडियाच्या माध्यमातून तिच्या चाहत्यांनी तिच्यावर शुभेच्छांचा वर्षाव केला. वाढदिवस झाल्यानंतरहि तिचे सेलिब्रेशन सुरूच आहेत. असंच एक सेलिब्रेशन मालिकेच्या सेटवर करण्यात आलं.
अभिनेत्री रुपाली भोसलेच्या वाढदिवसाच्या सेलिब्रेशनचे फोटो तसेच व्हिडीओ हे सोशल मीडियावर तुफान व्हायरल होत आहेत. अशातच रुपालीचा वाढदिवस ‘आई कुठे काय करते’ या मालिकेच्या सेटवर साजरा करण्यात आला. या सेलिब्रेशनचा एक खास व्हिडीओ रुपालीने तिच्या अधिकृत सोशल मीडिया हँडलवर शेअर केला आहे. यामध्ये ‘आई कुठे काय करते’ मालिकेतील कलाकार मंडळी देखील दिसत आहेत. या व्हिडिओसोबत कॅप्शनमध्ये रुपालीने कलाकार मित्र मंडळी आणि ती साकारत असलेल्या ‘संजना’ या पात्राचेदेखील आभार मानले आहेत.
या व्हिडिओसोबत रुपालीने लिहिलंय, ‘धन्यवाद मित्रांनो…वाढदिवस संपला? तर नाही…”आई कुठे काय करते”च्या सेटवर मी माझा चौथा वाढदिवस साजरा केला. याचा अर्थ हा चार वर्षांचा प्रवास आहे. धन्यवाद संजना, या सुंदर प्रवासासाठी. माझ्या हृदयाच्या खूप जवळचा हा प्रवास आहे. मला संजना भूमिका साकारायला खूप आवडतं आणि मला यातून खूप आनंद मिळतो. संजनामध्ये मी आता मानसिक, शारीरिक, आत्म्याने गुंतून गेली आहे. मी माझा प्रत्येक सीन पुसून टाकण्याचा प्रयत्न करते आणि जेव्हा मी नवीन सीन करते तेव्हा नवीन दृष्टीकोनातून तो करण्याचा प्रयत्न करते. मी नेहमी माझं सर्वोत्तम देते. आय लव्ह यू संजना’.