हॅलो बॉलिवूड ऑनलाईन। छत्रपती शिवाजी महाराज हे संपुर्ण जगाचे आराध्य दैवत आहे. लहानापासून ते वृद्धापर्यंत प्रत्येकाच्या अनेकांच्या त्यांच्याविषयी आदर आहे. दरम्यान अभिनेत्री आणि समाजसेविका अश्विनी महांगडेने नुकतेच छत्रपती शिवाजी महाराज नसते तर… यावर मत प्रकट केले आहे. अजब- गजब या चॅनेलला दिलेल्या एका पॉडकास्ट मुलाखतीत अश्विनीने शिवरायांबद्दल आदर दर्शवत काही महत्वाची विधाने केली आहेत आणि हा व्हिडीओ सोशल मीडियावर व्हायरल झाला आहे.
या मुलाखतीत बोलताना अश्विनी महांगडेने अत्यंत अभिमानाने म्हटले कि, ‘आता आपण बघतो रायगडावर ९० वर्षांचे आजी – आजोबा राज्याभिषेकादिवशी किंवा शिवजयंतीला जातात. ही ऊर्जा कुठुन येते..? आणि अशावेळेला काही लोकं मला म्हणतात, काय तुम्ही सारखं शिवाजी महाराज – शिवाजी महाराज करत असता… म्हणजे किती वेगवेगळ्या विचारांची माणसं आपल्या आजुबाजुला आहेत. मला त्यावेळेला हसु येतं त्यांच्यावर… जर महाराज नसते ना तर आज तुमची आडनावं मुल्ला – खान अशी काहीतरी असती’.
पुढे अश्विनीने असंही म्हटलं कि, ‘जे की आता आपण सांगतो ना की, या या जाती, बारा बलुतेदार, अठरा पगड जाती…. आम्ही हे हे आहोत, हे का तुम्ही सांगताय..? काय राहिलं असतं आपलं..?’ शिवाजी महाराज नसते तर आजची काय परिस्थिती असती..? यावर अश्विनीने अत्यंत स्पष्ट मत मांडले आहे. त्यामुळे तिचा हा मुलाखतीचा व्हिडीओ तुफान व्हायरल होत आहे. तिने मांडलेल्या या स्पष्ट मतांचे अनेकांनी समर्थन केले आहे. शिवाय अश्विनीवर कौतुकाचा वर्षाव देखील केला आहे.