हॅलो बॉलिवूड ऑनलाईन। अभिनेत्री सई लोकूर ही मराठी मनोरंजन विश्वातील लोकप्रिय अभिनेत्री आहे. बिग बॉस मराठीच्या पहिल्याच सिजनमधून सई प्रकाशझोतात आली. साई लोकूर सोशल मीडियावर सक्रिय असल्यामुळे कायम चाहत्यांच्या संपर्कात असते. विविध फोटो, व्हिडीओच्या माध्यमातून ती कायम आपल्या चाहत्यांचे लक्ष वेधून घेत असते. सई अनेकदा सोशल मीडियावर पती तीर्थदीप रॉयसोबतचे रील, फोटो शेअर करते. आजही तिने पतीसोबतचे रोमँटिक फोटो आणि त्यासोबत चाहत्यांना सुखद धक्का देणारी गुडन्यूज दिली आहे. सई प्रेग्नन्ट आहे आणि लवकरच ती आई होणार आहे.
अभिनेत्री सई लोकूरने तिच्या अधिकृत सोशल मीडिया हॅण्डल इंस्टाग्रामवर ही गोड बातमी आपल्या चाहत्यांना दिली आहे. आता सई आणि तिर्थदीपच्या आयुष्यात तिसरा येणार आहे. सईने सोशल मिडीयावर पतीसोबतचे रोमँटिक फोटो आणि एक अत्यंत रोमँटिक व्हिडीओ शेअर करत ही बातमी शेअर केली आहे. या फोटो आणि व्हिडीओसोबत तिने कॅप्शनमध्ये लिहिलंय, ‘हाताची दहा छोटी बोटे, पावलांची दहा छोटी बोटे.. प्रेम आणि कृपेने आमचं कुटुंब वाढतंय… आम्‍हाला तुम्‍हाला कळवण्‍यास अत्यंत आनंद होत आहे कि, आमच्या आनंदाचा एक मौल्यवान बंडल तयार होतोय. आमचे जीवन अधिक प्रेम, हास्य आणि आनंदाने भरून टाकतोय!’
सईने शेअर केलेल्या फोटो आणि व्हिडिओंमध्ये तिच्यासोबत तिचा पती तीर्थदीप रॉय दिसतो आहे. सई प्रेग्नेंट असल्याची बातमी आपल्या पतीला देताना दिसतेय. त्यानंतर दोघांचे आनंदी होणे, भारावून जाणे आणि एकमेकांना कवेत घेणे फारच लाघवी आहे. सई आणि तीर्थदीप यांचं कुटुंब आता त्यांच्या बाळाच्या येण्याने वाढणार आहे. ज्याचा आनंद दोघांच्याही चेहऱ्यावर अगदी ओसंडून वाहताना दिसतोय. तिने शेअर केलेले फोटो तसेच व्हिडीओ सोशल मीडियावर तुंगफन व्हायरल होत आहेत. यावर सईचे चाहते तिच्यावर शुभेच्छांचा वर्षाव करत आहेत. सई आणि तिर्थदीप यांचे २९ नोव्हेंबर २०२० रोजी लग्न झाले. लग्नानंतर अडीच वर्षांनी दोघांच्या आयुष्यात गोड चाहूल लागल्याने हे दांपत्य आता पालक होण्यासाठी सज्ज होत आहेत.