हॅलो बॉलिवूड ऑनलाईन। मराठी मालिका विश्वातील लोकप्रिय चेहरा अभिनेते किरण माने सोशल मीडियावर कायम सक्रिय असतात. त्यांच्या अभिनयाइतकीच त्यांनी शेअर केलेल्या वेगवेगळी पोस्टची चर्चा रंगलेली असते. राजकीय, सामाजिक, आर्थिक, मनोरंजन विषयक, आगामी प्रोजेक्ट्स, किस्से, अनुभव आणि असं बऱ्याच विषयांवर ते वेगवेगळ्या पोस्ट शेअर करून सर्वांचे लक्ष वेधून घेतात. अशातच त्यांच्या चाहत्यांसाठी मोठी माहिती समोर आली आहे. किरण माने यांचं फेसबुक पेज हॅक झालं आहे.
अभिनेता किरण माने अधिकृत सोशल मीडिया हॅण्डल फेसबुकवर कायम वेगवेगळ्या पोस्ट शेअर करताना दिसतात. त्यामुळे फेसबुकर त्यांना फॉलो करणाऱ्या चाहत्यांची, फॉलोवर्सची संख्या फार मोठी आहे. अशातच किरण मानेंचं फेसबुक पेज हॅक झाल्याचं समोर आलं आहे. याबाबत अभिनेते किरण माने यांनी स्वतःच्या अधिकृत सोशल मीडिया हॅण्डल इंस्टाग्रामवर पोस्ट शेअर करत माहिती दिली आहे. या पोस्टच्या माध्यमातून त्यांनी चाहत्यांना एक विनंतीदेखील केली आहे.
किरण मानेंनी हि पोस्ट शेअर करताना यामध्ये लिहिलं आहे कि, ‘बहुतेक माझे फेसबुक पेज हॅक झाले आहे. अचानक डिसेबल झाले आहे. माझ्या फॉलोअर्सपैकी कुणी याचा टेक्निकल गोष्टीतला जाणकार असेल तर मला DM करा’. किरण मानेंची पोस्ट पडल्यापासून अनेक नेटकरी यावर प्रतिक्रिया देताना दिसत आहे. अनेक टेक्निकल जाणकारांनी DM केल्याचे सांगितले आहे. काहींनी किरण मानेंचे पेज हॅक झाल्याबाबत दुःख व्यक्त केलं आहे. यापूर्वीदेखील काही सेलिब्रिटी मंडळींसोबत हॅकिंगचे प्रकार घडले आहेत. यामध्ये क्षिती जोग, केदार शिंदे अशा मोठमोठ्या नावांचा समावेश आहे.