हॅलो बॉलिवूड ऑनलाईन। मराठी मनोरंजनसृष्टीत आपल्या अस्खलित अभिनयाच्या जोरावर अभिनेत्री ऋतुजा बागवेने स्वतःचे स्थान निर्माण केले आहे. नाटक, मालिका, चित्रपट अशा विविध माध्यमातून ती विविध भूमिका साकारत प्रेक्षकांचे मनोरंजन करत असते. आतापर्यंत तिने साकारलेल्या प्रत्यके भूमिकेला प्रेक्षकांनी भरभरून प्रेम दिलं आहे. अलीकडेच ऋतुजाने स्वतःच हक्काचं नवं घर घेतल्याची आनंदाची बातमी तिने दिली होती. आता या नव्या घरासाठी तिने बनवून घेतलेली नेमप्लेट भारी चर्चेत आहे.
अभिनेत्री ऋतुजा बागवे हि सोशल मीडियावर बरीच सक्रिय असते. त्यामुळे सोशल मीडियावर तिच्या फॉलोवर्सचा आकडा मोठा आहे. वैयक्तिक आयुष्यातील अनेक गोष्टी, किस्से, अनुभव ती सोशल मीडियावर चाहत्यांसह शेअर करत असते. काही दिवसांपूर्वीच तिने स्वतःच नवीन घर घेतलं आणि याची माहिती तिने सोशल मीडियाच्या माध्यमातून व्हिडीओ शेअर करत दिली होती. आता याच घरासाठी तिने एक खास नेमप्लेट बनवून घेतली आहे. तिची हि नेमप्लेट सोशल मीडियावर सगळ्यांचे लक्ष वेधून घेत आहे.
ऋतुजाने काही दिवसांपूर्वीच मुंबईत तिचं स्वतःच हक्काचं पहिलं घर घेतलं. या घराचे सध्या इंटिरियरचे काम सुरु आहे. याबाबत ऋतुजा नेहमीच सोशल मीडियाच्या माध्यमातून विविध पोस्ट शेअर करत माहिती देताना दिसते. तिच्या या नवीन घराबद्दलचे अपडेट्स ती आवर्जून चाहत्यांसह शेअर करते. या तिच्या नवीन घरासाठी तिने एक खास नेमप्लेट तयार करून घेतली आहे. काळ्या रंगाच्या प्लेटवर पांढऱ्या रंगाच्या फुलांची अत्यंत सुंदर नक्षी आणि यावर ‘ऋतुजा प्रतिभा राजन बागवे’ असं अभिनेत्रीच पूर्ण नाव लिहिलेलं दिसत आहे. तिच्या या नवीन घराची ही आकर्षक नेमप्लेट अत्यंत सुंदर, मोहक आणि आकर्षक आहे.