हॅलो बॉलिवूड ऑनलाईन। मराठी मनोरंजन विश्वातील लोकप्रिय अभिनेता हार्दिक जोशी कायम या ना त्या करणामुळे चर्चेत असतो. सध्या हार्दिक त्याच्या आगामी रिऍलिटी शो ‘जाऊ बाई गावात’ आणि आगामी चित्रपट ‘क्लब ५२’मूळे प्रचंड चर्चेत आहे. नुकताच त्याच्या आगामी चित्रपटाचा टिझर प्रदर्शित झाला आहे. दमदार स्टारकास्ट असलेल्या ‘क्लब 52’चा टिझर मीडियावर व्हायरल झाला असून प्रेक्षकांच्या पसंतीस पडताना दिसतो आहे. या चित्रपटात अभिनेता हार्दिक जोशी महत्वपूर्ण भूमिकेत दिसणार आहे.
नाथ प्रॉडक्शन्स प्रस्तुत ‘क्लब 52’ या चित्रपटाची निर्मिती आणि प्रस्तुती वैशाली ठाकूर यांनी केली आहे. तर अमित कोळी यांनी हा चित्रपट दिग्दर्शित केला आहे. हा चित्रपट अॅक्शनपॅक्ड ड्रामा असून हार्दिक जोशी एका धमाकेदार भूमिकेत दिसणार आहे. माहितीनुसार, हा चित्रपट येत्या १५ डिसेंबर २०२३ रोजी संपूर्ण महाराष्ट्रात प्रदर्शित होणार आहे. बजरंग बादशाह यांच्या कथेवर राकेश शिर्के यांनी या चित्रपटाची पटकथा आणि संवादलेखन केले आहे. एक डाव नियतीचा अशी टॅगलाईन असलेला ‘क्लब 52’ सध्या टिझर रिलीजनंतर आणखीच चर्चेत आला आहे.
कौशल गोस्वामी यांनी छायांकन, करण आणि दर्शन यांनी संगीत, अजय वाघमारे, बजरंग बादशाह, सुजाता पवार यांनी गीतलेखन, आदित्य बेडेकर यांनी पार्श्वसंगीताची जबाबदारी निभावली आहे. या टीजरवरून पत्त्यांचा डाव आणि त्याच्याशी संबंधित कथानक असल्याचा अंदाज बांधता येतो. या चित्रपटात हार्दिक जोशी, भाऊ कदम, शशांक शेंडे, भरत ठाकूर, यशश्री व्यंकटेश , टीना सोनी, राधा सागर, नितीन रुपनवार, उमेश बोलके अशी तगडी स्टारकास्ट आहे. अॅक्शनपॅक्ड टीजरमुळे कथानकाविषयीची उत्सुकता अधिकच वाढली आहे.