हॅलो बॉलिवूड ऑनलाईन। मराठी सिनेसृष्टीतील लोकप्रिय अभिनेत्री पूजा सावंत सध्या फारच चर्चेत आहे. काही दिवसांपूर्वीच तिने साखरपुडा उरकल्यानंतर आपल्या होणाऱ्या नवऱ्यासोबतचे रोमँटिक फोटो शेअर करत चाहत्यांना आनंदाचा धक्का दिला होता. पूजाच्या होणाऱ्या नवऱ्याचे नाव सिद्धेश चव्हाण असे आहे. गेल्या काही दिवसांपासून पूजा आणि सिद्धेश हि जोडी प्रचंड चर्चेत असताना आता पुन्हा एकदा अभिनेत्रीने रोमँटिक पोस्ट शेअर करत सर्वांचे लक्ष वेधून घेतले आहे.
अभिनेत्री पूजा सावंत सोशल मीडियावर फार सक्रिय असते. या माध्यमातून ती आपल्या चाहत्यांच्या संपर्कात राहताना दिसते. आपल्या साखरपुड्याची माहिती देखील तिने याच माध्यमातून दिली होती. यानंतर आता तिने पुन्हा एकदा भावी नवऱ्यासोबतचा रोमँटिक फोटो शेअर करत सर्वांचे लक्ष वेधले आहे. पूजा आणि सिद्धेश यांचा हा रोमँटिक फोटो सोशल मीडियावर तुफान व्हायरल होत आहे. पूजाने हा फोटो सिद्धेशला टॅग केला आहे. या फोटोमध्ये पूजा चक्क सिद्धेशच्या मांडीवर बसलेली दिसून येत आहे.
हा फोटो शेअर करताना पूजाने कॅप्शनमध्ये लिहिले आहे कि, ‘तुझ्या हृदयात कशी जागा निर्माण करायची हे मला आता महित आहे..’. पूजाची ही पोस्ट सोशल मीडियावर मोठ्या प्रमाणात व्हायरल झाली असून यावर चाहत्यांनी लाईक आणि कमेंट्सचा वर्षाव केला आहे.
काही दिवसांपूर्वीच ‘We are engaged…’ म्हणत बोटातील अंगठी फ्लॉन्ट करत पूजाने गुपचूप साखरपुडा उरकल्याचे सांगितले. यानंतर आता चाहते तिच्या लग्नाची तारीख जाणून घेण्याबाबत फारच उत्सुक आहेत.