हॅलो बॉलिवूड ऑनलाईन। अभिनेत्री प्राजक्ता माळी हि कायम वेगवेगळ्या कारणांमुळे चर्चेत असते, प्राजक्ता सोशल मीडियावर सक्रिय असल्यामुळे अनेकदा विविध फोटो, व्हिडीओ आणि आगामी प्रोजेक्ट्सची माहिती देणाऱ्या पोस्ट शेअर करून सर्वांचे लक्ष वेधून घेते. नुकतीच प्राजक्ताने नवरात्रोत्सवात अष्टमीच्या मुहूर्तावर आंबेजोगाई मातेचे दर्शन घेतले. दरम्यानचे काही फोटो तिने सोशल मीडियावर शेअर केले आहेत.
अभिनेत्री प्राजक्ता माळीने तिच्या अधिकृत सोशल मीडिया हॅण्डल इंस्टाग्रामच्या माध्यामातून हे फोटो शेअर केले आहेत. यावेळी प्राजक्ताने सुंदर अशी गुलाबी, नारंगी रंगाची साडी परिधान केली होती. सोबत साजेसे ‘प्राजक्तराज’ ब्रँडचे पारंपरिक अलंकार तिने परिधान केले होते. यावेळी ती फारच सुंदर दिसत होती. प्राजक्ताने आंबेजोगाई मातेचे दर्शन घेताना नारळ, साडी, मोगऱ्याचा गजरा अशी ओटी देऊन देवीचे आशीर्वाद घेतले. ससोहळ मीडियावर प्राजक्ताचे फोटो व्हायरल होत आहेत.
हे फोटो शेअर करताना प्राजक्ताने कॅप्शनमध्ये लिहिले आहे कि, ‘अंबे तूज वाचून कोण पुरवील आशा… नरहरि तल्लीन झाला पदपंकजलेशा… #आंबेजोगाई. दुग्दशर्करा योग, दुर्गाअष्टमीला आईचं दर्शन घेण्याचं भाग्य लाभलं..’ यासोबत तिने #अष्टमी #दुर्गा #दर्शन #देवी #प्राजक्तामाळी असे हॅशटॅगदेखील वापरले आहेत. प्राजक्ताने शेअर केलेल्या फोटोंवर नेटकरी, चाहते कमेंट करताना दिसत आहेत. तिचे फोटो सोशल मीडियावर व्हायरल होत आहेत.