हॅलो बॉलिवूड ऑनलाईन। अभिनेता रितेश देशमुख हा त्याच्या अभिनयाच्या जोरावर मराठी आणि हिंदी अशा दोन्ही भाषिक क्षेत्रांमध्ये आघाडीवर कार्यरत आहे. त्याचं फॅनफॉलोईंग देखील जबरदस्त आहे. रितेश केवळ अभिनयामुळे नव्हे तर त्याच्या संस्कारांमुळेदेखील ओळखला जातो. नुकतीच मराठी अभिनेते किरण माने यांनी सोशल मीडियावर एक पोस्ट शेअर केली आहे. ज्यामध्ये त्यांनी रितेश देशमुखचे आभार मानले आहेत. या मागे एक खास कारण आहे आणि त्याबद्दल सांगण्यासाठीच त्यांनी हि पोस्ट शेअर केली आहे. त्यामध्ये त्यांनी बिग बॉसच्या घरात रितेश आणि जिनिलियासोबत झालेल्या भेटीचा व्हिडीओ शेअर केला आहे.
अभिनेते किरण माने हे सोशल मीडियावर बरेच सक्रिय असतात. त्यामुळे ते त्यांच्या वैयक्तिक आयुष्याबद्दल अनेकदा सोशल मीडियावर पोस्ट शेअर करत व्यक्त होताना दिसतात. अशीच एक पोस्ट त्यांनी शेअर करत म्हटले आहे कि, बिग बॉसच्या निमित्ताने माझ्याबरोबर माझ्या आईचंही स्वप्न पूर्ण झालं आहे आणि हे स्वप्न पूर्ण होण्यामागे तेश देशमुखचा मोलाचा वाटा होता. आता याचा अर्थ नक्की काय..? तर किरण माने यांनी अधिकृत सोशल मीडिया हॅण्डल इंस्टाग्रामवर एक व्हिडिओ शेअर केला आहे. ज्यामध्ये ते बिग बॉसच्या घरात रितेश आणि जिनिलिया यांच्यासोबत दिसत आहेत.
View this post on Instagram
हा व्हिडीओ शेअर करत किरण माने यांनी लिहिले कि, ‘कधी- कधी आपल्या काळजाच्या जवळच्यांचं एखादं छोट्टंसं स्वप्न आपण पूर्ण करू शकतो तवा जे समाधान मिळतं ते शब्दांत नाय सांगू शकत! माझी आई रितेश देशमुखची लै मोठ्ठी फॅन! मी एकदा तरी रितेशला भेटावं अशी तिची लै लै म्हंजी लैच इच्छा होती. ‘बिगबाॅस’नं ती इच्छा पूर्ण केली. रितेशला मी जेव्हा हे सांगीतलं तेव्हा रितेशनं मला मिठी मारून कॅमेर्‍याच्या लेन्समध्ये बघितलं आणि म्हणाला, “आईS नमस्कार.”…घरातले सांगतात, त्यादिवशी आई खूप खुश होती ! लब्यू बिगबाॅस… लब्यू रितेश’