हॅलो बॉलिवूड ऑनलाईन। स्टार प्रवाह वाहिनीवरील अत्यंत लोकप्रिय मालिका ‘रंग माझा वेगळा’ हि नुकतीच संपली आहे. नुकताच या मालिकेचा शेवटचा भाग प्रसारित झाला. या मालिकेला प्रेक्षकांनी निरोप दिल्यानंतर आता ‘प्रेमाची गोष्ट’ हि नवी मालिका आजपासून प्रेक्षकांच्या भेटीसाठी सज्ज झाली आहे. या मालिकेतून अभिनेत्री तेजश्री प्रधान मोठ्या ब्रेकनंतर पुन्हा एकदा मालिका विश्वात कमबॅक करताना दिसणार आहे. या मालिकेत तिच्यासोबत इतरही तगडे कलाकार दिसणार आहे. त्यांच्याविषयी तेजश्री काय म्हणाली ते जाणून घेऊया.
मालिकांच्या सेटवर नेमकी काय धमाल सुरु आहे याबाबत जाणून घेण्यात कायमच रस असतो. त्यामुळे आता बऱ्याच काळाच्या अवधीनंतर जेव्हा तेजश्री प्रधान पुन्हा एकदा मालिका विश्वात कमबॅक करत आहे तेव्हा ‘प्रेमाची गोष्ट’च्या सेटवर काय धमाल होते हे जाणून घेण्यासाठी प्रेक्षक उत्सुक आहेत. आजपासून सुरु होणाऱ्या ‘प्रेमाची गोष्ट’ या नव्या मालिकेत तेजश्री व्यतिरिक्त राज हंचनाळे, शुभांगी गोखले, अपूर्वा नेमळेकर, संजीवनी जाधव असे बरेच आहेत. तर ‘स्टार प्रवाह’ने तेजश्रीचा एक व्हिडीओ शेअर केला आहे. ज्यामध्ये तिला मालिकेतील कलाकारांचे एका शब्दात वर्णन करायला सांगितले आहे.
या व्हिडिओत सुरुवातीला तेजश्री हि अभिनेत्री शुभांगी गोखले यांचे एका शब्दात वर्णन करताना म्हणते, “अभ्यासू”. यानंतर तिला राज हंचनाळेबद्दल एका शब्दात वर्णन करायला सांगितले असता ती म्हणते “कूल”. मग पुढे मालिकेतील बाल कलाकार सईबद्दल एका शब्दात वर्णन करताना तेजश्रीने “शांत” असे म्हटले आहे. तर अभिनेत्री अपूर्वा नेमळेकरचे एका शब्दात वर्णन करताना तेजश्री म्हणाली. ‘अपूर्वा आणि माझं अजून एकत्र काम सुरू झालं नाहीये. पण हॉट’.